ډومینیکن جمهوریت کې سخت بارانونه؛ ۲۱ تنه مړه شوي

2023-11-20 07:42 am د ازادی رادیو راپور 91 0 0

ډومینیکن جمهوریت کې سخت بارانونه؛ ۲۱ تنه مړه شوي

د ډومینیکن جمهوریت د اضطراري عملیاتو مرکز پرون اعلان وکړ، چې په دغه هېواد کې د سختو اورښتونو له کبله لږ تر لږه ۲۱ تنه مړه شوي دي.

د کارایب سمندرګي په څنډه دغه پروت هېواد له پرون راهیسې د سختو اورښتونو شاهد و، چې د توفانونو او سېلابونو سبب شو او له کبله یې پلونه او سړکونه زیانمن شول او ځینې کورونه ونړېدل.

څه باندې ۱۳زره کسان له خپلو سیمو بېځایه شوي دي.

د دې پېښې د ۲۱ قربانیانو په ډله کې ۹ تنو یې د شنبې په ورځ وروسته له هغې ساه ورکړه، چې د درنو اورښتونو له کبله د یوې لویې لارې د یوه تونل دېوال پر نقلیه وسایطو ونړېد.