د عراق حکومت کردستان ته اختصاص شوې بودیجه زیاتوي

د عراق حکومت کردستان ته اختصاص شوې بودیجه زیاتوي
د عراق فدرال حکومت پرون موافقه وکړه چې د عراق کردستان ته به اختصاص شوې بودیجه زیاتوي.


د عراق د شمال دغه کورواکې سیمه کې د معاشونو د ورکړې لپاره دغسې بودیجې ته سخته اړتیا لیدل کېږي.


دا پرېکړه داسې وخت کېږي چې د روانې میاشتې په لومړیو کې په زرګونو کسان د دې سیمې په درېیم لوی ښار دهوک کې لارو سړکونو ته راووتل او ملکي مامورینو ته د معاشونو د نه ورکول کېدو په باب یې اعتراضونه وکړل.


دوی د دې ستونزې ملامتي پر بغداد واچوله.


د عراق فدرال حکومت په یوه اعلامیه کې ویلي، چې د عراق کردستان ته به د کاله دوه اعشاریه یو ټرلیون دیناره اختصاص کوي چې په درېیو قسطونو کې به ورکول کېږي.